Ушбу саволингизга экспертимиз батафсил жавоб бердилар:

https://kadrovik.uz/question/9608

Қўшимча равишда айтиш мумкинки, ушбу ҳолатда аутстаффинг шартномаси билан, ёки қурилиш пудрати шартномаси бўйича ишлашингиз мумкин.

Қурилиш пудрати шартномаси бўйича пудратчи шартномада белгиланган муддатда буюртмачининг топшириғи билан муайян объектни қуриш ёки бошқа қурилиш ишини бажариш мажбуриятини олади, буюртмачи эса пудратчига ишни бажариш учун зарур шароит яратиб бериш, ишни қабул қилиш ва келишилган ҳақни тўлаш мажбуриятини олади (ФКнинг 666-моддаси). Пудрат шартномасининг афзаллик жиҳати у томонидан бажарилган қурилиш ишларининг сифати учун жавобгарлик бутун кафолат даврида пудратчи зиммасида бўлади (ФКнинг 681, 682-моддалари).

Қурилиш пудрати шартномаси шартларида назарда тутилган ҳолларда буюртмачи материаллар (деталлар, конструкциялар)дан ва ускуналардан ишни бажариш жараёнида фойдаланиш ёки унинг кўрсатмаларини бажариш учун тақдим этиши мумкин (ФКнинг 672-моддаси). Ишлар натижасининг пудратчи томонидан топширилиши ва буюртмачи томонидан қабул қилиб олиниши иккала тараф имзолаган далолатнома билан расмийлаштирилади. Тарафлардан бири далолатномани имзолашдан бош тортса, бу тўғрида ушбу далолатномага ёзиб қўйилади ва далолатномани иккинчи тараф имзолайди.

Далолатнома билан бир қаторда пудратчи ишларни топширишда тегишли тартибда расмийлаштирилган ҳисобварақ-фактурани ҳам тақдим этиши зарур.