Корхонанинг томонидан ходимларни иссиқ овқат билан таъминлаш харажатлари икки хил тартибда ҳисобга олиниши мумкин:

1) Улар корхонанинг ҳисобидан амалга оширилади. Бунда ходимларни озиқ-овқат билан таъминлаш суммаси ишчиларнинг меҳнатига ҳақ тўлаш тарзидаги даромадларига киритилади (СКнинг 172-моддаси 1-қисми, 174-моддаси 13-банди). Меҳнатга ҳақ тўлаш тарзидаги даромадлар ЯИТ, фуқароларнинг бюджетдан ташқари Пенсия жамғармасига суғурта бадаллари, ЖШДС ва ФЖБПТ бўйича солиқ солиш объекти ҳисобланади.

2) Ходимларга берилган иссиқ овқат қиймати ишчиларнинг иш ҳақисидан, солиқ ва мажбурий тўловлар тўланганидан сўнг ушлаб қолинади. Бунда даромад вужудга келмаганлиги сабабли, солиқ оқибатлари хам келиб чиқмайди.

Ҳар иккала ҳолатда ҳам корхона ходимларини иссиқ овқат билан таъминлаш натижасида иш ҳақидан ушланмалар ходим қўлига тегадиган иш ҳақининг камайишига олиб келади.