Саволнинг ID си: 10061
Бизнинг ҳусусий оилавий корхонамиз асосан тикувчилик маҳсулотларини ишлаб-чиқаради: костюм-шим, куртка ва маҳсус ишчилар кийимларини. Корхонада асосан хотин-қизлар ва ёшлар ишлайди. Фаолият давомида корхона Президентнинг ПҚ-1050-сонли қарори билан белгиланган имтиёзлардан фойдаланиб келган. Бу имтиёзлар асосида корхонага четдан маҳсулотлар ва ускуналар олиб келинди. 01.01.2018 йилдан ушбу имтиёз муддати тугади. Аммо Президентнинг 2016 йил 21 декабрдаги ПҚ-2687-сон карори асосида тўқимачилик ва тикув-трикотаж тармоғининг ноозиқ-овқат истеъмол товарлари ишлаб чиқаришга ихтисослашган корхоналарга 2020 йилнинг 1 январига қадар солиқ ҳамда божхона имтиёзлари ва преференциялари берилган. Ушбу имтиёзлар Ўзбекенгилсаноат корхонасига аьзолигига эга бўлган корхоналарга татбик этилади дейилган.
Тайёр тикучилик махсулотларини ишлаб чиқарувчи оилавий корхона Президентнинг 2016 йил 21 декабрдаги ПҚ-2687-сон қарорида белгиланган имтиёзлардан фойдалана оладими?
Экспертларнинг жавоблари:
Ўзбекистон Республикаси Президентининг 2016 йил 21 декабрдаги №ПҚ-2687 Қарорининг 14-бандида кўрсатилган солиқ ҳамда божхона имтиёзлари ва преференциялар 7-иловага мувофиқ тўқимачилик ва тикув-трикотаж тармоғининг ноозиқ-овқат истеъмол товарларини ишлаб чиқаришга ихтисослашган корхоналарга берилган. Мазкур қарорда ушбу имтиёзлар фақат "Ўзбекенгилсаноат" АЖга аъзо бўлган корхоналар учун тадбиқ этилиши мумкинлиги тўғрисида эса ҳеч нарса айтилмаган. Яъни, "Ўзбекенгилсаноат" АЖга аъзо бўлмаган корхоналар ҳам белгиланган талабларга риоя қилган ҳолда улардан фойдаланиши мумкин.
ПҚ-2687 қарор билан берилган солиқ ҳамда божхона тўловлари бўйича имтиёзлардан фойдалана олишингиз учун қуйидаги шартлар бажарилиши керак:
1. Корхонангиз ишлаб чиқарадиган маҳсулот ПҚ-2687 қарорининг 7-иловасида келтирилган рўйхатга мувофиқ келиши;
2. Ҳисобот даври якунлари бўйича умумий сотиш ҳажмида шундай товарларни ишлаб чиқаришдан тушган тушумлар улуши камида 60 фоизни ташкил этиши.
Юқоридаги шартларни бажарган ҳолда мазкур имтиёзлардан фойдаланишингиз мумкин.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Телеграм канали 