ID-10112-сонли саволнинг 3-қисмида "Агар бюджет ташкилоти Бюджет кодексининг 60-63 моддаларида кўрсатилган манбалар ҳисобидан қўшимча даромад олаётган бўлса, улар ҳам ПҚ-3454-сон Қарорнинг 10-бандида белгиланган ҳуқуқдан фойдалана олишадими? Агар мумкин бўлса, унда улар қандай қўшимча солиқ ҳисоботлари топширишлари керак бўлади?" деб масала қўйилганди. Бу ерда солиқ тўлаш жиҳатидан эмас, балки бюджет ташкилотлари солиқлардан имтиёзга эга бўлсада, шунинг ҳисобини юритишлари керак бўлади. Шу ҳолатда улар ҳам фақат ягона солиқ тўловини ҳисобласа бўладими деб сўрамоқча бўлгандим. Яъни Президентнинг 29.12.2017 йилдаги ПҚ-3454-сонли Қарорининг 10-бандига асосан 2018 йил 1 январдан бошлаб нотижорат ташкилотларга ходимлар сонидан қатъий назар тадбиркорлик фаолиятидан олган даромадлари бўйича микрофирма ва кичик корхоналар учун назарда тутилган тартибда ягона солиқ тўловини тўлашга рухсат берилганлигига асосланган ҳолда.