Саволнинг ID си: 11524
Товарларни эркин муомалага чиқариш божхона юк декларацияси (БЮД ИМ-40)нинг 7-графаси ва “D” графасидаги саналар фарқ қилмоқда. Масалан: 7-графада 29.06.2018, “D” графада эса 02.07.2018.
Товарларни эркин муомалага чиқариш санасини бухгалтерия ҳисобида акс эттириш учун БЮДнинг қайси графасидаги сана олинади?
Экспертларнинг жавоблари:
Божхона юк декларациясини (БЮД) тўлдириш тартиби Адлия вазирлигида 2016 йил 6 апрелда 2773-сон билан рўйхатга олинган Низомда баён этилган.
БЮДнинг “7”- ва “D” – графалари божхона органининг мансабдор шахси томонидан тўлдирилади (Низомнинг 20-боби).
7-графада пост кодидан (биринчи бешта элементдан) кейинги саккиста элемент – БЮД божхонада расмийлаштиришга қабул қилинган санани кўрсатади.
D-графада эса товар божхона ҳудудидан эркин муомала режимида чиқаришга рухсат берилган сана кўрсатилади.
Импорт қилинган товар эркин муомала режимида чиқарилган санадан кейин корхонада кирим қилинади ва бухгалтерия ҳисобида акс эттирилади. Яъни бухгалтерия хисоби учун БЮДнинг 7-графасида кўрсатилган сана асос қилиб олинади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 