Президентнинг 21.12.2016 йилдаги ПҚ-2687 сонли қарорига асосан, тўқимачилик ва тикув-трикотаж тармоғининг ноозиқ-овқат истеъмол товарлари ишлаб чиқаришга ихтисослашган корхоналар 2020 йилнинг 1 январига қадар фойда солиғи ва мулк солиғи тўлашдан, ягона солиқ тўловидан, озод қилинган. Ундан ташқари, божхона тўловлари бўйича ҳам имтиёзлар ва преференциялар берилган.

Ушбу имтиёзларни қўллаш ҳуқуқига эга бўлиш шартлари корхонадаги ишчилар сонига боғлиқ эмас. Уларни қўллаш учун қуйидаги талаблар бажарилиши лозим:

• Корхона ПҚ-2687 сонли қарорнинг 7-иловасидаги рўйхатда санаб ўтилган товарларни чиқариши;
• Ҳисобот даври якунлари бўйича 7-иловага мувофиқ ишлаб чиқарилган товарларни сотишдан тушган тушумлар умумий сотиш ҳажмининг камида 60 фоизни ташкил этиши.

Агар корхонангиз юқорида кўрсатилган талабларга жавод берса, маҳсулотингиз қаерда сотилишидан қатъий назар, 21.12.2016 йилдаги ПҚ-2687 сонли қарор бўйича берилган фойда солиғи ва мол-мулк солиғи бўйича, шунингдек божхона тўловлари бўйича имтиёзларни қўллаш ҳуқуқига эга бўласиз.

Фойда солиғини тўлашдан тўлиқ озод қилиш кўринишидаги вақтинчалик имтиёзларга эга бўлган юридик шахслар фойда солиғини имтиёзлар амал қилиш муддати тугагунча икки баравар пасайтирилган ставкада тўлайдилар.