Саволнинг ID си: 13332
Маъсулияти чекланган жамият шаклидаги “PACKING INDUSTRIES” қўшма корхонасининг асосий фаолияти қадоқлаш маҳсулотлари (гофрланган картон идиш) ишлаб чиқаришдан иборат бўлиб, 01.01.2019 йилдан бошлаб умумий белгиланган тартибдаги солиқ тўловчиси ҳисобланади.
Корхона гофрланган картон идиш ишлаб чиқариш бўйича Президентининнг 20.11.2018 йилдаги 4020 сонли Қарорида кузда тутилган фойда солиғи ҳамда ҚҚСдан 3 йиллик имтиёзга эга бўладими?
Экспертларнинг жавоблари:
Президентнинг 20.11.2018 йилдаги ПҚ-4020 Қарорига биноан, юридик шахслар 2021 йил 1 январга қадар замонавий иссиқхона комплекслари, уларнинг бутловчи қисмлари ва гофрланган картон идиш ишлаб чиқаришда фойда солиғи, ягона солиқ тўлови ва қўшилган қиймат солиғидан озод этилганлар.
Фикримизча, Қарорда гап иссиқхона комплексларига етказиб берилган гофрланган картон идишлар тўғрисида кетаяпти. Демак, сиз корхонангиз ишлаб чиқарган гофрланган картон идишларни иссиқхона комплексларига етказиб берилган ҳажмига солиқ имтиёзларини қўллашингиз мумкин. Бошқа корхоналарга сотган маҳсулотингиз бўйича мазкур солиқ имтиёзларини қўллай олмайсиз.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 