Саволнинг ID си: 13782
Корхонамиз "Ўзтўқимачиликсаноат" уюшмаси аъзоси бўлиб ҳисоланади, ҚҚСни соддалаштирилган тартибда тўлайди. "Ўзтўқимачиликсаноат" уюшмаси аъзоси бўлмаган улгуржи савдо корхонасидан тўқимачилик ва тикув-трикотаж саноатида керак бўладиган фурнитура ва аксессуарларни сотиб олади.
Президентнинг 2011 йил 28 мартдаги ПҚ-1512 сонли қарори 1-1-бандида ""Ўзбекенгилсаноат" АЖ корхоналарига 2020 йилнинг 1 январига кадар тўқимачилик ярим фабрикатлари (калава, газлама, трикотаж полотноси, пахта йигириш чиқитлари, аксессуарлар ва фурнитурани) ноль ставкаси бўйича қўшилган қиймат солиғи билан харид қилишга рухсат берилсин",- дейилган.
"Ўзтўқимачиликсаноат" уюшмаси аъзоси бўлган корхона ишлаб чиқаришда керакли фурнитура ва аксессуарларни "Ўзтўқимачиликсаноат" уюшмаси аъзоси бўлмаган улгуржи савдо корхонасидан ноль ставкали ҚҚС билан харид қилиши мумкинми?
Экспертларнинг жавоблари:
Президентнинг 2011 йил 28 мартдаги ПҚ-1512 сонли қарори 1-1-бандида келтирилган тўқимачилик ярим фабрикалатларини ноль ставкали ҚҚС билан харид қилиш ҳуқуқи "Ўзбекенгилсаноат" АЖ аъзоси бўлган корхоналарга берилган. Агар корхонангиз "Ўзбекенгилсаноат" АЖ аъзоси бўлса, у ҳолда бу имтиёздан фойдаланиши мумкин. Бунда сотувчи "Ўзбекенгилсаноат" АЖга аъзо бўлиши шарти қўйилмаган.
Ушбу имтиёздан фойдаланиб тўқимачилик ярим фабрикалатларини харид қилинганида ҳисобварақ-фактурада ҚҚС ноль ставкада кўрсатилади ва харидорнинг бухгалтерия ҳисобида акс этмайди.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 