Тўқимачилик ва тикув-трикотаж тармоғининг ноозиқ-овқат истеъмол товарлари ишлаб чиқаришга ихтисослашган микрофирмалар ва кичик корхоналар 2020 йилнинг 1 январига қадар фойда солиғи ва мулк солиғи тўлашдан, ягона солиқ тўловидан озод қилинганлар (21.12.2016 й. N ПҚ-2687 14-банди).

Ноозиқ - овқат истеъмол товарлари ишлаб чиқаришга ихтисослашаётган корхоналар жумласига ҳисобот даври якунлари бўйича умумий сотиш ҳажмида белгиланган рўйхатдаги товарларни ишлаб чиқаришдан тушган тушумлар улуши камида 60 фоизни ташкил этадиган корхоналар киради (АВ 16.05. 2017 й. №2885-сон билан рўйхатга олинган Низом).

Агар корхонангиз ушбу имтиёздан фойдаланиш ҳуқуқига эга корхоналар тоифасига кирса, унинг бошқа даромадларига ҳам, жумладан, кредиторлик қарзларини ҳисобдан чиқаришдан олган даромадига ҳам ЯСТ бўйича имтиёз қўлланади.