Президентнинг ПҚ-2863 сонли қарори 8-бандида берилган мақсадли имтиёзга асосан, хусусий тиббиёт муассасалари тиббий хизматлар қисмида барча солиқ ва давлат мақсадли жамғармаларига мажбурий ажратмалардан озод (қарорнинг 8-банди, “а” кичик банди).
Бошқа туманда қурилаётган бинога нисбатан бу имтиёзни қўллаш мумкин эмас. Имтиёзни янги клиника битиб тиббий хизматлар кўрсатишни бошлаганида қўллай бошланади. Шунда ҳам меҳмонхона фаолияти учун ПҚ-2863 сонли қарордаги имтиёздан фойдаланиб бўлмайди.
Ҳозирда корхонангиз бошқа тумандаги қурилиш ишлари амалга оширилаётган объект бўйича ер солиғини тўлаши керак (СКнинг 280-моддаси).
Мол-мулк солиғини тўлаш мажбурияти (бинода қурилиш ишлари битирилиб, у фойдаланишга топширилганидан кейин вужудга келади. Чунки кўчмас мулк объекти учун солиқ солиш базаси бўлиб унинг йиллик ўртача қолдиқ қиймати ҳисобланади (СКнинг 267-моддаси). Яъни бино асосий восита сифатида таснифланган бўлиши керак.
Норматив муддатларда тугалланмаган қурилиш объекти бўйича ҳам мол-мулк солиғи тўлаш мажбурияти юзага келади. Солиқ солиш мақсадида, тугалланмаган қурилиш объектлари жумласига ушбу қурилиш объектига доир лойиҳа-смета ҳужжатларида белгиланган норматив муддатда қурилиши тугалланмаган объектлар, агар қурилишнинг норматив муддати белгиланмаган бўлса, ушбу объектларнинг қурилишига ваколатли органнинг рухсати олинган ойдан эътиборан 24 ой ичида қурилиши тугалланмаган объектлар киради (СКнинг 266-моддаси).
Жавоблар улар эълон қилинган санада долзарб ҳисобланади.