1. Корхона ҳисобот даврини солиқ тулангунга қадар зарар билан якунлаганида, ушбу зарар суммаси фойда солиғи ҳисоботининг 010 сатрида манфий ишора акс эттирилади.
2. “Ўзтўқимачиликсаноат” уюшмаси аъзоси бўлган тўқимачилик ва тикув-трикотаж товарлари ишлаб чиқаришга ихтисослашган корхоналар 2020 йилнинг 1 январига қадарфойда солиғи ставкасини 2 баробар камайтирган ҳолда ҳисоблайди ва бюджетга тўлайди (Президентнинг 21.12.2016 йилдаги ПҚ-2687 сонли Қарори 14-банди, Президентнинг 26.12.2018 йилдаги ПҚ-4086 сонли Қарори 4-банди). Бу имтиёздан фойдаланиш учун корхона ПҚ-2687 сонли қарорнинг 7-иловасида қайд этилган товарларни ишлаб чиқариши ва ҳисобот даврида уларни сотишдан тушум жами сотишдан тушумнинг 60 фоизидан кам бўлмаслиги лозим.

 Фойда солиғи ҳисоботининг 4-иловаси 080-сатрида имтиёзлар асосида солиқдан озод қилинган суммалар акс эттирилади. Ушбу суммалар ҳисобот шаклига кўчирилиб солиқ солинадиган базани камайтиради. ПҚ-2687 сонли қарор асосида фойда солиғида имтиёз қўлланилганида эса айнан солиқ ставкаси 2 баробар камайтирилган ҳолда акс эттирилиши керак. Шу сабабли ҳисоботнинг 4-иловаси 080-сатри тўлдирилмайди.