Корхонанинг ўзи етиштирган қишлоқ хўжалиги маҳсулотларини реализация қилиш оборотлари ҚҚСдан озод (СКнинг 208-моддаси 28-банди).

Юридик шахслар 2021 йил 1 январга қадар замонавий иссиқхона комплекслари, уларнинг бутловчи қисмлари чиқаришда фойда солиғи, ЯСТ ва ҚҚСдан озод этилган. Бўшаб қолган маблағлар ишлаб чиқаришни техник ва технологик қайта жиҳозлаш, модернизация қилиш ва ривожлантиришга мақсадли йўналтирилиши кўзда тутилган. Шунингдек ушбу муддатда замонавий иссиқхона комплекслари чиқариш учун талаб этиладиган ва белгиланган тартибда шакллантириладиган рўйхат бўйича олиб кириладиган, Ўзбекистон Республикасида ишлаб чиқарилмайдиган ускуна, хом ашё ва материаллар, эҳтиёт қисмлар ва бутловчи буюмлар учун божхона тўловларидан озод этилган (божхона расмийлаштируви йиғимларидан ташқари) (Президентнинг 20.11.2018 йилдаги ПҚ-4020 сонли қарори 7-банди).

"Ҳар бир оила - тадбиркор" дастурини амалга ошириш тўғрисида ЎзР Президенти томонидан 07.06.2018 й. N ПҚ-3777-сонли Қарор қабул қилинган. Ушбу Қарор доирасида солиқ имтиёзлари назарда тутилмаган.