ҚҚС ҳисоб – китобида ҚҚС ва ҚҚСсиз харидлар акс эттириш
ҚҚС ҳисоб – китобига 4-илова “Харид қилинган товарлар (ишлар, хизматлар) бўйича ҳисобварақ-фактуралар (ҳисобварақ-фактура ўрнини босадиган ҳужжатлар) реестри”га фақат ҚҚС ажратиб кўрсатилган харидлар киритилади.
Олинган ва реализация қилинган товарлар ишлар, хизматлар бўйича ҳисобварақ-фактуралар (ҳисобварақ-фактура ўрнини босадиган ҳужжатлар) реестрини юритиш тартиби Қўшилган қиймат солиғи бўйича солиқ ҳисоботи шаклларига илова сифатида келтирилган (АВ томонидан 21.01.2019 й. 3126-сон билан рўйхатга олинган қарорга 3-илова). Унга кўра, сотиб олувчилар Солиқ кодексининг 39-бобида белгиланган тартибда ҳисобга олиниши лозим бўлган ҚҚС суммасини аниқлаш мақсадида товар етказиб берувчилар томонидан тақдим этилган ҳисобварақ-фактураларни рўйхатдан ўтказиш учун мўлжалланган Сотиб олиш реестрини юритадилар (Тартибнинг 6-банди).
ҚҚС солинадиган ва солинмайдиган оборотлар битта ҳисобварақ-фактурада кўрсатилган бўлса, сотиб олиш реестрида ҚҚС солинадиган обротлар ва улар бўйича ҚҚС суммаси кўрсатилади. Яъни, ушбу реестрда ҳисобварақ-фактуранинг ҚҚСли қисми акс эттирилади.
Жавоблар улар эълон қилинган санада долзарб ҳисобланади.