Тракторчи-машинистларга гувоҳномалар ва огоҳлантириш талонлари ВМ 17.04.2019 й. 325-сон қарори 3-иловасида келтирилган тартибда берилади.
Унга кўра, тракторчи-машинист гувоҳномасини олиш учун номзодлар Вазирлар Маҳкамаси ҳузуридаги Агросаноат мажмуи устидан назорат қилиш инспекцияси ҳузуридаги "Агросаноат мажмуида хизматлар кўрсатиш маркази" давлат унитар корхонасига қуйидаги ҳужжатларни тақдим этади:
а) тегишли тоифадаги техникани бошқариш учун дастурлар бўйича ўқишни тугатганлиги ҳақидаги гувоҳнома;
б) диплом ва ўқув дастуридаги фанларни ўқиганлиги тўғрисидаги диплом варақасидан кўчирма нусхалар;
в) 3х4 см ўлчамдаги 2 та фотосурат;
г) соғлиғи тўғрисида маълумотнома;
д) имтиҳонни топширган ҳамда имтиҳондан ўтганларнинг тракторчи-машинист гувоҳномаси учун йиғимларни тўлаганлигини тасдиқловчи ҳужжат;
е) имтиҳон варақаси;
ё) фуқаронинг паспорти ёки унинг ўрнини босувчи бошқа ҳужжат;
ж) жисмоний шахсларнинг идентификация рақами.
Имтиҳонлар жараёнида номзодларнинг аввал назарий билимлари, кейин амалий билимлари текширилади.
Жавоблар улар эълон қилинган санада долзарб ҳисобланади.