Саволнинг ID си: 16011
Корхонамиз ҳудудида 3 қаватли бино қурилди. Бинода барча қулайликларга эга ётоқхоналар мавжуд. Хоналар 2 кишилик, уларда меҳмонлар учун ҳамма шароитлар қилинган, лекин меҳмонхона фаолиятига лицензиямиз йўқ. Бинонинг 3-қавати меҳмонхона фаолиятини юритиш учун мослаштирилди, меҳмонхона ҳеч қандай юлдузга эга эмас (3, 4, 5 – юлдузли эмас), корхона хорижий инвестиция жалб қилмаган.
Айнан шу меҳмонхона фаолияти учун 2020 йилдан бизга қандай қулайликлар ва солиқ имтиёзлари берилади? Меҳмонхона фаолиятини бошлаш учун қандай ҳужжатлар талаб этилади?
Экспертларнинг жавоблари:

Сизнинг ҳолатингизда меҳмонхона фаолияти учун ҳеч қандай солиқ имтиёзлари қонун ҳужжатларида назарда тутилмаган.

Тадбиркорлик субъектлари фақат белгиланган тартибда тегишли сертификатлар олингандан кейин ва уларнинг амал қилиш муддати давомида меҳмонхона хизматлари кўрсатиш ҳуқуқига эгадирлар (Туроператор ва меҳмонхона хизматларини сертификатлаштириш тартиби тўғрисида низомнинг 2-б., ВМнинг 05.06.2017 й. 355-сон қарорига илова).

Меҳмонхона хизматларини сертификатлаштириш, жойлаштириш воситаларига тоифа бериш ҳамда сертификатлаштирилган меҳмонхона хизматларининг стандартлаштириш бўйича норматив ҳужжатлар талабларига мувофиқлигининг инспекция назорати Туризмни ривожлантириш давлат қўмитаси ҳузуридаги “Туризм хизматларини сертификатлаш маркази” ДУК томонидан “Ўзстандарт” агентлиги билан ҳамкорликда амалга оширилади (Низомнинг 3-б.).

Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган қоидаларга амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.

Экспертларнинг тушунтиришлари уларнинг шахсий фикрини акс эттиради ва Сиз уларга таяниб мустақил қарор қабул қилишингиз мумкин.




Сайт «NORMA» МЧЖ томонидан ишлаб чиқилган.

Контентни яратишда “Кадрлар бўйича маслаҳатчи” ЭМТ, «Buxgalter PRO» ЭМТ, buxgalter.uz сайти материалларидан фойдаланилган.

Сайт материалларини ресурс маъмурияти розилигисиз кўчириб олиш тақиқланади.

© «NORMA» МЧЖ, 2021–2024 й. Барча ҳуқуқлар ҳимояланган.

 
 
Яндекс.Метрика
Бориш харитаси Бориш харитаси

Манзил: Ўзбекистон, 100105,
Тошкент ш., Миробод тум., Толлимаржон кўч., 1/1.

E-mail: admin@kadrovik.uz

Call-марказ телефони: (+998)78 150-11-72