Саволнинг ID си: 17148
2019 йилдан то бугунгача бир ойлик меҳнат шартномалари тузиб келганмиз ва буларнинг ҳаммаси ҳам муддатли шартнома тузиш талабларига тўғри келмайди. Масалан, доимий вақтбай ишловчи ишчиларимизга ҳам бир ойлик шартнома тузганмиз.
Ходимларимиз бизнинг устимиздан шикоят қилмаса, лекин текширув пайтида муддатли шартнома тузиш шартлари бажарилмаган ҳолда ҳам бир ойлик муддатли шартнома тузганимиз маълум бўлиб қолса, бунинг учун бизга қонунан қандай жазо тури қўлланилади?
Экспертларнинг жавоблари:
Маъмурий жавобгарлик тўғрисидаги кодекснинг 49-моддасига асосан, мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларини бузганлиги учун базавий ҳисоблаш миқдорининг 5 бараваридан 10 бараваригача миқдорда жарима солишга сабаб бўлади. Кодекснинг 255-моддасига мувофиқ ушбу маъмурий ҳуқуқбузарликлар тўғрисидаги ишларни кўриб чиқишга ва маъмурий жазо чораларини қўллашга меҳнат бўйича давлат инспекторлари, меҳнат бўйича давлат ҳуқуқий инспекторлари ҳақлидир.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 