2020 йил 1 майдаги Ф-5569-сонли Президент фармойиши билан Сирдарё вилоятида жойлашган «Сардоба сув омбори»да юзага келган фавқулодда ҳодиса оқибатларини бартараф этиш бўйича Ҳукумат комиссияси ташкил этилган. Ушбу фармойиш билан Ҳукумат комиссиясига 10 кун муддатда сув босган Сардоба, Оқолтин ва Мирзаобод туманлари аҳолисига қулай шарт-шароитлар яратиш, аҳоли пунктларини янада обод ва кўркам қилиш мақсадида маданий-маиший ҳамда бошқа ижтимоий объектлар қурилиши ва мазкур қурилиш ишларини молиялаштириш юзасидан таклифлар киритиш бўйича топшириқлар берилган.

Шунингдек, Фавқулодда вазиятлар вазирлигига Сирдарё вилоятида сув тошиши муносабати билан аҳолидан келиб тушаётган мурожаатларни доимий ва узлуксиз равишда қабул қилиш, фуқароларга зарур тушунтириш ишларини ташкил этиш мақсадида туну-кун ишлайдиган қисқа рақамли телефон линияси ташкил этиш юзасидан топшириқлар берилган. Шунга асосан сув омборида юзага келган тошқин билан боғлиқ барча саволлар билан Ҳукумат комиссияси ва қисқа рақамли телефон линиясига мурожаат қилиш тавсия этилади.

Тошқин натижасида мактаб биноси бузилганлиги оқибатида янги мактаб биноси қурилгунга қадар ўқитувчилар иш фаолияти карантин пайтида қандай ташкил этилган бўлса, худди шундай ташкил этилиши ҳам мумкин.