Меҳнат кодексининг 270-моддасига асосан ходим судга ёки меҳнат низолари комиссиясига ўз ҳуқуқлари бузилганлигини билган ёки билиши лозим бўлган кундан бошлаб 3 ой ичида мурожаат этиши мумкин. Ушбу моддада белгиланган муддатлар узрли сабабларга кўра ўтказиб юборилган тақдирда, бу муддатлар суд ёки меҳнат низолари комиссияси томонидан қайта тикланиши мумкин. Ходим ўз ҳуқуқларини ҳимоя қилиш мақсадида Давлат меҳнат инспекциясига ҳам мурожаат қилиши мумкин. Маъмурий жавобгарлик тўғрисидаги кодекснинг 255-моддасига асосан Давлат меҳнат инспектори томонидан корхона мансабдор шахсига меҳнат тўғрисидаги қонун ҳужжатларини бузганилиги учун кодекснинг 49-моддасига асосан базавий ҳисоблаш миқдорининг 5 бараваридан 10 бараваригача миқдорда жарима солиниши мумкин.