Бир хил товарлар хариди ва сотилишини бухгалтерияда акс эттириш
Саволнинг ID си: 19842
Корхонaмиз метaлл мaҳсулотлaри улгуржи сaвдоси билaн шуғуллaнaди. 2021 йилгa қaдaр корхонa томонидaн хaрид қилингaн метaлл мaҳсулотлaри Россия, Қозоғистон вa Хитой дaвлaтлaридaн импорт қилингaн. Жорий 2021 йилдaн эсa Тошкент метaллургия зaводи метaлл мaҳсулотлaрини ишлaб чиқaришни йўлгa қўйди вa корхонaмиз шу ТМЗ билaн ишлaб келмоқдa. Металлургия заводидан мaҳсулотлaр хaрид қилиш жaрaёнидa ушбу товaргa тегишли мaҳсулотнинг зaвод рaқaми ҳaм ҳисобварақ-фaктурaдa кўрсaтилмоқдa. Товaрнинг зaвод рaқaми ҳaм ҳисобварақ-фaктурaлaрдa aкс эттирилaётгaни туфaйли бир кундa 10 донa aйни бир хил мaҳсулот хaрид қилинсa, кирувчи ҳисоб-фaктурaдa ушбу товaр 10 тa қаторда aкс эттирилмоқдa. Корхонa бир ойдa aйни бир хил мaҳсулотдaн 1 000 донa хaрид қилсa, 1С дaстуригa товaр кодини киритгaн ҳолдa кирим қилсa, мaҳсулот номенклaтурaсидa 1 000 донa товaр киритилиши керaк бўляпти. Хaрид қилинaдигaн товaр сони ортиши билaн номенклaтурa ҳaм ортиб борaверaди. Бундaй ишлaш эсa деярли имконсиз.
Айни бир хил товaрлaрни кирим қилиш вa реaлизaция қилишдa товaр ёрлиғидaги товaр кодини ёзмaсдaн ҳужжaтлaрни рaсмийлaштириш қонунчилик нормaлaрининг бузилиши ҳисоблaнмaйдими? Ҳар бир товар кодини ёзмасдан расмийлаштириш мумкинми?
Экспертларнинг жавоблари:
Агар корхона айни бир хил металл маҳсулотини бир хил нархда харид қилса, ҳар бирини алоҳида кирим қилиши шарт эмас. Товар номини ва бир бирлик учун нархини кўрсатиб, қанча харид қилганини миқдорий кўрсаткичда акс эттириш етарли. Сотишда ҳам худди шундай. Бу қонунчиликни бузиш ҳисобланмайди. Асосийси ҳамма харид қилинган товарлар тўлиқ ва тўғри нархда кирим қилиниши.
Агар товар нархи ўзгарса, у холда алоҳида белги билан ажратиб кўрсатиб, бошқа номенклатура кўрсатиш лозим. Бу айниқса корхона ФИФО усулидан фойдаланганида муҳим. Авеко усулидан фойдаланганда товарларнинг ўртача баҳосини ҳисоблаб, кирим қилиб бориш мумкин.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 