Қонунчиликда ташкилотларда мавжуд лавозимларга тайинланадиган (ишга қабул қилинадиган) шахс шу соҳа мутахассиси бўлиши кераклиги ёки керак эмаслиги белгиланмаган.

Меҳнат шартномаси ходим билан иш берувчи ўртасида муайян мутахассислик, малака, лавозим бўйича ишни тарафлар келишуви, шунингдек меҳнат тўғрисидаги қонунлар ва бошқа норматив ҳужжатлар билан белгиланган шартлар асосида ҳақ эвазига бажариш ҳақидаги келишувдир (МК 72-м.).

Ҳар бир лавозим (касб) бўйича таълим ва малака даражасига қўйиладиган талаблар тегишли лавозим (касб)нинг малака даражасидан келиб чиққан ҳолда иш берувчилар томонидан мустақил белгиланади. Ҳар бир ходимнинг малака даражасини аниқлашда нафақат унинг маълумоти, балки касбий тажрибаси, билимлари ҳамда шахсий ва ишбилармонлик фазилатлари ҳам ҳисобга олинади (2020 йил 31 декабрдаги ПҚ-4939-сонли Президент қарорининг 3-б.).

Шунга кўра, ҳар бир ташкилот лавозимларга муайян талабларни ўрнатиши ва тайинланадиган ходим соҳа мутахассиси бўлиши кераклигини белгилаши мумкин.