Касаба уюшмаларининг барча аъзолари ўз ҳуқуқ ва мажбуриятлари борасида тенгдир («Касаба уюшмалари тўғрисида»ги Қонуннинг 10-м.). Шунга кўра, кадрлар бўлими бош мутахассиси, у ўз бўлимида бир ўзи ишлашидан қатъи назар, ўз лавозими билан бир қаторда касаба уюшмаси раиси вазифасини бажаришга улгурса, касаба уюшмаси раиси бўлиши мумкин. Бундан ташқари, касаба уюшмалари органларининг аъзоларига жамоа шартномасида, келишувида белгиланадиган шартларга кўра меҳнат жамоасининг манфаатларини кўзлаб жамоатчилик вазифаларини бажариши учун, шунингдек касаба уюшмасининг йўналиши бўйича қисқа муддатли ўқиши учун ўртача иш ҳақи сақланган ҳолда вақт берилади. Касаба уюшмалари органларининг аъзолари ишлаб чиқаришдаги ишидан касаба уюшмалари томонидан чақириладиган қурултойларда, конференцияларда делегат сифатида, шунингдек касаба уюшмаларининг пленумлари ва раёсатлари ишида иштирок этиш вақтига озод қилиниб, уларга касаба уюшмасининг маблағлари ҳисобидан ўртача иш ҳақи миқдорида ҳақ тўланади (Қонуннинг 15-м.).

Давлат органлари, уларнинг мансабдор шахслари, иш берувчилар касаба уюшмаларининг раҳбар органлари аъзолари бўлиши мумкин эмас (Қонуннинг 19-м.).