Мол-мулк солиғи ҳисоблаб чиқарилаётганида солиқ базаси қишлоқ хўжалиги маҳсулотларини етиштириш ва сақлаш учун фойдаланиладиган қишлоқ хўжалиги корхоналари балансида бўлган мол-мулкнинг ўртача йиллик қолдиқ қийматига (ўртача йиллик қийматига) камайтирилади (СК 414-м.1-қ. 2-б.). Солиқ кодексида бу фаолият тури учун ер солиғи бўйича имтиёз берилмаган.

Солиқ тўловчилар солиқлар бўйича имтиёзлардан тегишли ҳуқуқий асослар юзага келган пайтдан эътиборан уларнинг бутун амал қилиш даври мобайнида фойдаланишга ёки солиқ имтиёзидан фойдаланишдан воз кечишга ёхуд ундан фойдаланишни бир ёки бир неча солиқ даврларида тўхтатиб туришга ҳақли, бундан ҚҚСдан озод этиладиган товарларни (хизматларни) реализация қилиш мустасно (СК 75-м.6-қ.). Солиқ кодексида солиқ тўловчилар солиқ имтиёзларидан фойдаланиш учун бирор-бир давлат ташкилотини хабардор қилишлари лозимлиги белгиланмаган. Лекин амалиётда E-imtiyoz тизими мавжуд бўлиб, солиқ тўловчилар имтиёздан фойдаланишлари ҳақида солиқ органини хабардор қилишлари керак. Буни қандай амалга ошириш бу ерда кўрсатилган:

https://soliq.uz/press-services/news/show/soliq-imtiyozlaridan-foydalanish-yuzasidan-xabardor-qilish-interaktiv-xizmatidan-foydalanish-boyicha-qollanma-