1. Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномани олиш учун бир қатор маълумотлар, шу жумладан лавозими ҳақида маълумот тақдим этиш лозим (Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомга 20-илованинг 5-б.).
Иш берувчи ваколатли органга тақдим этилган маълумотларда (ташкилот тўғрисида маълумотлар, аризалар, сўровномалар, паспорт маълумотлари ва бошқалар) бўлган ҳар қандай ўзгаришлар ҳақида ваколатли органни (Бандлик ва меҳнат муносабатлари вазирлиги ҳузуридаги Ташқи меҳнат миграцияси масалалари агентлиги) бир ҳафта муддатда хабардор қилиши шарт (20-илованинг 9-б.).
Рухсат этиш хусусиятига эга ҳужжатни ўзгартириш учун аризани кўриб чиқиш учун тўланадиган йиғимнинг (БҲМнинг 1 баравари) ҳамда рухсат этиш хусусиятига эга ҳужжат берилганлиги учун ундириладиган йиғимнинг (тегишинча БҲМнинг 1, 2, 5 ёки 30 баравари) ярми ундирилади.
2. Меҳнат тўғрисидаги қонунчилик иш берувчи билан тузилган меҳнат шартномаси бўйича Ўзбекистон Республикаси ҳудудида ишлаётган чет эл фуқаролари ҳамда фуқаролиги бўлмаган шахсларга ҳам татбиқ этилади (Меҳнат кодексининг 11-м.).
Чет эл фуқароларини ишга қабул қилган иш берувчи қўшимча равишда қуйидаги мажбуриятларга эга (20-илованинг 9-б.):
Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқнома муддати тугашидан кейин чет эл фуқароси билан тузилган меҳнат шартномасини бекор қилиш;
чет эл фуқароси ишдан бўшатилса ёки ташкилот тугатилган бўлса, ваколатли органни бир ҳафта муддатда хабардор қилиш.
Жавоблар улар эълон қилинган санада долзарб ҳисобланади.