2. Мавсумий ишларни бажариш учун ишчиларга тўланадиган ҳақ меҳнатга ҳақ тўлаш тарзидаги даромад ҳисобланади (СК 371-м. 1-қ.). Меҳнатга ҳақ тўлаш тарзидаги даромадлар ижтимоий солиқ, ЖШДС ва ЖБПТга мажбурий ажратмаларга тортилади (СК 403-404-м., 387-м. 1-қ. 1-б., 02.12.2004 йилдаги 702-II –сон «Фуқароларнинг жамғариб бориладиган пенсия таъминоти тўғрисида»ги Қонуни 10-м.).
Пахта йиғим-терими бўйича қишлоқ хўжалиги ишларига жалб қилинадиган солиқ тўловчиларнинг бу ишларни бажарганлик учун олган даромадлари ЖШДСга тортилмайди (СК 378-м. 18-б.). Пахта йиғим-терими бўйича мавсумий қишлоқ хўжалиги ишларига жалб қилинган жисмоний шахсларнинг бу ишларни бажарганлиги учун меҳнат ҳақи тўлашга доир харажатлар ижтимоий солиқ солиш объекти ҳисобланмайди (СК 403-м. 4-қ.).
1. Мавсумий ишларни бажариш учун муддатли меҳнат шартномаси тузилади. (МК 112-м). Бундай шартномалар тузилган ходимларни бошқа ходимлар каби ўрнатилган тартибда расмийлаштириш керак. Мавсумий ходимлар ишга қабул қилинаётганда улар қуйидаги ҳужжатларни тақдим этади: паспортни (ID картани) ёки унинг ўрнини босувчи ҳужжатни, меҳнат давтарчасини ёки электрон меҳнат дафтарчасидан кўчирмани (биринчи марта ишга кираётган шахслардан ташқари) асосий иш жойидан маълумотнома (ўриндошлар учун), ҳарбий гувоҳномани ёки ҳарбий ҳисобда турганлик ҳақидаги гувоҳномани, таълим ташкилотини тамомлаганлиги тўғрисидаги дипломни, махсус маълумотга ёки махсус тайёргарликка эга бўлган шахслар айрим ишларни бажариш ҳуқуқига доир гувоҳномани (сертификатни) ёхуд бошқа тегишли ҳужжатни, солиқ тўловчининг идентификация рақамини, жисмоний шахснинг шахсий идентификация рақамини (мавжуд бўлганда), жамғариб бориладиган пенсия дафтарчасини (бундан биринчи марта ишга кираётган шахслар мустасно) (МК 124-м.). Ишга қабул қилиш буйруқ билан расмийлаштирилади. Буйруқ учун тузилган меҳнат шартномаси асос бўлади. Иш берувчи буйруқ асосида ишга қабул қилиш ҳақидаги маълумотларни “Ягона миллий меҳнат тизими” идораларасро дастурий-аппарат комплексига ҳам киритади (МК 127-м.).
Жавоблар улар эълон қилинган санада долзарб ҳисобланади.
Телеграм канали 