Саволнинг ID си: 28959
Мен корхонада шартномалар билан ишлаш бўйича мутахассис лавозимида ишлайман. Яқинда кадрлар гуруҳи етакчи мутахассиси лавозимини ҳам 0,5 ставка бўйича юклашди.
Шунда мен буйруқларни тайёрлаб, имзо қўяётганимда вақтинча вазифасини бажарувчи деб ёзишим лозим бўладими?
Экспертларнинг жавоблари:
Меҳнат қонунчилигида «вазифасини бажарувчи» (в.б.) ёки “вақтинча вазифасини бажарувчи” (в.в.б.) деган тушунчалар мавжуд эмас. Сизнинг вазиятингизда ички ўриндошлик мавжуд бўлган. Ички ўриндошликда ходим ўзининг асосий ишидан ташқари ўша ташкилотдаги асосий ишидан бўш вақтларида алоҳида меҳнат шартномаси шартлари бўйича бошқа мунтазам ҳақ тўланадиган ишларни ҳам бажаради. Демак, ходим меҳнат шартномасида белгиланган лавозимни эгаллайди. Юқоридагиларга кўра, ҳужжатларга имзо қўяётганингизда вақтинча вазифасини бажарувчи эмас, балки ўзингизни ички ўриндошлик асосида эгаллаган лавозимингизни ёзишингиз лозим бўлади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 