Адлия вазирлигида 2020 йил 30 июнда 3256-сон билан рўйхатга олинган Давлат солиқ қўмитасининг 2020 йил 1 июндаги 2020-22-сон қарори билан Ундирилиши умидсиз деб эътироф этилган солиқ қарзини ҳисобдан чиқариш тартиби тўғрисидаги низом тасдиқланган. Мазкур Низом Солиқ кодекси, Фуқаролик кодекси ва "Тўловга қобилиятсизлик тўғрисида"ги Қонунга мувофиқ ундирилиши умидсиз деб эътироф этилган солиқ қарзини ҳисобдан чиқариш тартибини белгилайди. Мазкур Низомнинг 4-бандига асосан солиқ органи солиқ қарзини ундиришнинг белгиланган муддати ўтиши муносабати билан уни ундириш имкониятини йўқотганлиги тўғрисида суд томонидан қарор қабул қилинганда, шу жумладан суд томонидан солиқ қарзини ундириш тўғрисида ариза беришнинг ўтказиб юборилган муддатини тиклашни рад этиш ҳақида ажрим чиқарилганда солиқ қарзи ундирилиши умидсиз деб эътироф этилади.