Жамият иштирокчиларининг қарорига кўра “А” жамиятдан “Б” жамият ажратиб чиқарилиб, жамият қайта ташкил қилинди. "Б" жамият уставида "Б" жамият "А" жамиятнинг ҳуқуқий вориси эканлиги белгиланган. Тақсимлаш балансига мувофиқ, “А” жамиятнинг барча активлари “Б” жамиятга ўтказилди. Меҳнат кодексининг 156-моддасига асосан, "А" жамиятда ишлаётган ходимлар меҳнат муносабатларини "Б" жамиятда давом эттиришга розилик билдириб, улар билан меҳнат шартномаларига тегишли ўзгартиришлар киритилди. Ягона миллий меҳнат тизимида ходимлар бошқа ташкилот таркибига ўтказилди, қоғоз шаклидаги меҳнат дафтарчалари мавжуд ходимларнинг дафтарчаларига тегишли ёзувлар киритилди. Ўзгартиришлардан кейин "А" жамият фаолияти тугатилмади, 3 нафар ходим ишламоқда.