Мен ишлаётган акциядорлик жамияти (сотувчи) билан масъулияти чекланган жамият (харидор) ўртасида олди-сотди шартномаси тузилган. Мазкур шартнома доирасида белгиланган муддатда товарлар харидорга етказиб берилган. Бироқ етказиб берилган товарлар учун харидор томонидан ўз вақтида тўловлар амалга оширилмаган. Асосий қарздорликни ва ҳисобланган пеняни ундириш учун иқтисодий судга мурожаат қилинган. Лекин медиатив келишувга эришилганлиги учун иқтисодий суд даъвони кўрмасдан қолдирган. Мазкур медиатив келишув шартларига кўра, биз томонимиздан ҳисобланган пенядан воз кечилади ва асосий қарздорликни бир йил давомида ойма-ой тўлаб борилади. Тўловлар йил давомида амалга оширилмади, яъни медиатив келишув бажарилмади. Медиатив келишув бажарилмаганлиги учун мазкур келишув тузиш чоғида кечилган пеня билан бирга асосий қарздорликни ундириш учун иқтисодий судга мурожаат қилмоқчимиз.