Иссиқхона фаолияти билан шуғулланувчи корхоналар (мулкчилик шаклидан қатъий назар) қишлоқ хўжалиги маҳсулотлари ишлаб чикарувчилари сифатида ягона ер солиғи тўловчилари ҳисобланади.
Иссиқхоналар ҳам жамоат иморатлари қаторига киришини ва жамият эгаллаган ер майдонида жамоат иморатлари ва ҳовлилари билан банд бўлган ерлар бўйича баҳолаш 2,0 коэффициентини қўллаган ҳолда амалга оширилишини эслатиб ўтамиз (2014 йил 4 декабрдаги ПҚ-2270-сонли Президент Қарорига асосан).
Ягона ер солиғи тўловчилари учун қуйидаги солиқ турлари сақланиб қолинади:
- Тўлов манбаидан тўланадиган фойда солиғи |
- Ўзбекистон Республикаси норезидентлари томонидан бажарилган (кўрсатилган) иш (хизматлар) бўйича қўшилган қиймат солиғи |
- Акциз солиғи (агар акциз тўланадиган маҳсулотларни ишлаб чикарса) |
- импорт қилинадиган товар (иш, хизматлар)га қўшилган қиймат солиғи |
- импорт қилинадиган товарларга акциз солиғи |
- Божхона тўловлари |
-Ер қаъридан фойдаланувчилар учун солиқлар ва махсус тўловлар |
-Айрим турдаги товарлар ишлаб чикарганда сув ресурсларидан фойдаланганлик учун солиқ (1.01.2015й.дан эътиборан) |
- Ягона ижтимоий тўлов |
- Давлат божлари |
-айрим турдаги товарлар билан чакана савдо қилиш ва айрим турдаги хизматларни кўрсатиш ҳуқуқи учун йиғим. |
-автотранспорт воситаларини олганлик ва (ёки) вақтинчалик олиб кирганлик учун Республика йўл жамғармасига йиғим. |
2013 йил 25 декабрда қабул килинган ЎРҚ-359-сонли Ўзбекистон Республикаси Қонуни томонидан Солиқ Кодексига киритилган ўзгартиришларга асосан 2014 йилнинг 1 январидан ягона ер солиғи тўловчилари давлат мақсадли жамғармалариларига (Пенсия, Йўл ва Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармалари) мажбурий ажратмаларни тўлашмайди.
Ягона ер солиғи тўловчилари ягона ер солиғи тўлаш татбиқ этилган фаолият тури бўйича солиқ солишнинг бошқача тартибини танлаш ҳуқуқига эга эмас.
Қишлоқ хўжалиги маҳсулотини етиштириш ва қайта ишлаш билан боғлиқ бўлмаган фаолият турларини амалга оширишда ягона ер солиғи тўловчиси мазкур фаолият турлари бўйича алоҳида ҳисоб юритиши ва ягона солиқ тўловини ёки қатъий белгиланган солиқ тўланиши назарда тутилган фаолият доирасида қатъий белгиланган солиқни тўлаши шарт (2013 йил 25 декабрдаги ЎРҚ-359-сонли Қонун таҳриридаги Солиқ кодексининг 363-моддаси 8 қисми). Бундан ташқари, 2015 йилнинг 1 январидан бошлаб ноалкогол маҳсулот ишлаб чикарувчилар ишлаб чикариш ва бошка мақсадда фойдаланиладиган сув ҳажмлари бўйича сув ресурсларидан фойдаланганлик учун солиқни тўлашади (2014 йил 4 декабрдаги ЎРҚ-379-сонли Қонунга асосан киритилган Солиқ кодексининг 349-моддаси олтинчи хатбошиси, 2014 йил 4 декабрдаги ПФ-2270-сонли Президент Фармонига 14-илова).
Қишлоқ хўжалиги маҳсулотлари ишлаб чиқаручилари томонидан ер ижарага берилган тақдирда ижарага берувчи учун ижарага берилган ер бўйича ягона ер солиғини тўлаш мажбурияти сақланиб қолинади.
Жавоблар улар эълон қилинган санада долзарб ҳисобланади.
Телеграм канали 