Жисмоний шахсларнинг солиқ солиниши лозим бўлган ҳамда: ёш оила аъзолари томонидан якка тартибда уй-жойни қуриш, реконструкция қилиш ва сотиб олиш учун ёки кўп квартирали уйдаги квартирани реконструкция қилиш ва сотиб олиш учун;

қишлоқ жойларда намунавий лойиҳалар бўйича якка тартибда уй-жой қуришни ушбу мақсадлар учун кредитлар бериш қонун ҳужжатларига мувофиқ зиммасига юклатилган банкларнинг кредитлари ҳисобидан амалга ошираётган қурувчи шахслар томонидан олинган ипотека кредитларини ҳамда улар бўйича ҳисобланган фоизларни қоплаш учун йўналтириладиган иш ҳақи суммаси ва бошқа даромадларига солиқ солиниши лозим эмас (СКнинг 179-моддаси, 30-банди).

Сизнинг мисолингизда имтиёз қўлланган ҳолда 2015 йилнинг январь-ноябрь ойлари учун ЖШДСни ҳисоблаб чиқарамиз:

Солиқ солинадиган даромад: 9 500 000 – 5 907 000 = 3 593 000 сўм.

Январь-ноябрь учун иш ҳақининг энг кам миқдори 1 302 400 сўмни (118 400 х 11)  ташкил этади. 

ЖШДС ҳисоб-китоби шкаласи бўйича январь-ноябрь учун 1 302 400 (118 400 х 11) сўмга 0 фоиз ставка бўйича солиқ солинади.

1 302 400 сўмдан 6 512 000 (1 302 400 х 5) сўмгача 8,5% ставка бўйича солиқ солинади. Тегишинча, бизнинг мисолимизда йил бошидан солиқ солинадиган даромад 3 593 000 сўмни ташкил этади, январь-ноябрь учун ЖШДС эса қуйидагига тенг бўлади:

(3 593 000 – 118 400 х 11) х 8,5% = 2 290 600 х 8,5% = 194 701 сўм.

Январь-ноябрь учун ШЖБПҲга мажбурий бадаллар суммаси "0" ставка бўйича солиқ солинадиган даромад ҳамда ипотека кредитини ҳамда улар бўйича ҳисобланган фоизларни қоплаш учун йўналтирилган даромад чегирилган ҳолда солиқ солинадиган суммадан ҳисоблаб чиқарилади:

 2 290 600 х 1% = 22 906 сўм.

Бюджетга тўланиши лозим бўлган ЖШДС:

194 701 – 22 906 = 171 795 сўм.