Дастлаб эслатиб ўтамизки, турли солиқ солиш объектлари ва (ёки) ягона солиқ тўлови (ЯСТ) ставкалари белгиланган бир неча фаолият турлари билан шуғулланадиган ЯСТни тўловчилар шу фаолият турлари бўйича алоҳида-алоҳида ҳисоб юритишлари ҳамда солиқ тўловчиларнинг тегишли тоифалари учун белгиланган ставкалар бўйича ягона солиқ тўловини тўлашлари керак (Солиқ кодексининг 353-моддаси).
2015 йилда савдо фаолияти билан шуғулланувчи корхоналар агар яна бошқа турдаги бирор фаолиятни амалга оширсалар солиқ органларига 2 та СЯТ ҳисоб-китобини тақдим қилар эдилар: савдо фаолияти бўйича – 108 код билан, бошқалар бўйича 100. 2016 йилдан бошлаб барча фаолият турлари бўйича ягона ЯСТ ҳисоб-китоби топширилади. Масалан, агар ҳисобот даври якуни бўйича ишлаб чиқариш фаолияти устунлик қилган бўлса, ушбу фаолиятдан тушган тушумни “Асосий фаолият тури 1” устунда, улгуржи савдо бўйича товар айланмасини эса бошқа фаолият тури “2” устунда кўрсатиш керак.
Шунингдек, эслатиб ўтамизки, ЯСТ Ягона солиқ тўловининг энг кам миқдори киритилиши муносабати билан ягона солиқ тўловини ҳисоблаб чиқариш ва тўлаш тартиби тўғрисидаги Низомга (АВ томонидан 03.03.2011 й. 2203-сон билан рўйхатга олинган) мувофиқ, ЯСТни унинг энг кам миқдорини ҳисобга олган ҳолда тўлаш керак. Агар корхонангиз янги ташкил қилинган бўлса, давлат рўйхатидан ўтган санадан бошлаб 6 ой давомида ЯСТнинг энг кам миқдорини ҳисобга олмаслигингиз мумкин.
Жавоблар улар эълон қилинган санада долзарб ҳисобланади.