Маҳсулотлар 3-чоракда ортиб жўнатилган бўлса, уларни реализация қилишдан тушум ягона солиқ тўловининг ҳисоб-китобида 3-чоракда акс эттирилади.

Солиқ кодекснинг 39 моддасига асосан солиқ тўловчиларнинг даромадлари ҳамда солиқлар ва бошқа мажбурий тўловларни ҳисоблаб чиқариш учун улар бўйича тегишли чегирмалар тўлов тўланган вақт ва пул келиб тушган санадан қатъи назар, улар тааллуқли бўлган ҳисобот даврида акс эттирилади (ҳисоблаб ёзиш усули).

Товарларни (ишларни, хизматларни) реализация қилишдан тушган тушум ялпи тушум таркибида ЯСТ солиқ солиш объекти ҳисобланади (СК 355 моддаси). Ҳисобварақ-фактура эса реализация қилганликни тасдиқловчи ҳужжат ҳисобланади (СК 22 моддаси). ЯСТ ҳисоблашда ҳисобварақ-фактурада акс эттирилган маҳсулот қиймати (ҚҚС ва акциз солиғи чегирган ҳолда) реализация қилишдан тушган тушум сифатида солиқ солиш базасига қўшилади.

Ҳисобварақ-фактура қайси даврда расмийлаштирилган бўлса, реализация қилишдан тушган тушум ҳам ушбу давр учун акс эттирилиши лозим.

Олдиндан келиб тушган аванс тўловлари ЯСТ солиқ солиш объекти сифатида қаралмайди.