Ушбу ҳолда меҳнат дафтарчасининг 3-устунида тартиб рақамисиз алоҳида сатр билан "Фалон корхонанинг фалон бўлими, фалон санада, технологиядаги, ишлаб чиқариш ва меҳнатни ташкил этишдаги ўзгаришлар муносабати билан фалон бўлим билан атала бошлади" деб ёзилади. 4-устунда эса, қайта аталишини (номланишини) асослаб буйруқ, унинг санаси ва сон рақами қўйилади. Сўнгра кейинги тартиб рақами остида 2 устунда санаси, 3-устунда ходимнинг янги штат жадвалига мувофиқ лавозимга тайинланиши, 4-устунда эса буйруқнинг сон рақами ва санаси кўрсатилган ҳолда тегишли ёзув киритилади (Меҳнат дафтарчаларини юритиш тартиби тўғрисида йўриқноманинг 2.13-банди, АВ томонидан 29.01.1998 йилда 402-сон билан рўйхатдан ўтказилган).
Жавоблар улар эълон қилинган санада долзарб ҳисобланади.