ЯСТ солиқ солиш базасини 25 фоизга камайтириш имтиёзини қўллаш тартиби Ишлаб чиқаришни модернизациялаш, техник ва технологик қайта жиҳозлаш, ишлаб чиқаришни янги қурилиш шаклида кенгайтириш, ишлаб чиқариш эҳтиёжлари учун фойдаланиладиган бинолар ва иншоотларни реконструкция қилишни амалга оширувчи хўжалик юритувчи субъектлар томонидан имтиёзларни қўллаш тартиби тўғрисидаги Низом билан тартибга солинади (АВ рўй. №1688 11.06.2007й.).
Ушбу Низомга асосан ЯСТ бўйича солиқ солинадиган база янги технологик асбоб-ускуналар олишга йўналтирилган маблағлар суммасига, лекин солиқ солинадиган базанинг кўпи билан 25 фоизига камайтирилади.
ЯСТ бўйича солиқ солиш базаси бўлиб СКнинг 355-мод. асосан ҳисоблаб чиқилган ялпи тушум ҳисобланади.
Солиқ солиш мақсадида ялпи тушум таркибига қуйидагилар қўшилади:
1) товарларни (ишларни, хизматларни) реализация қилишдан тушган тушум;
2) СКнинг 132-мод. назарда тутилган бошқа даромадлар.
СКнинг 132-мод. асосан асосий воситаларни чиқиб кетишидан олинадиган даромадлар бошқа даромадлар таркибига киради.
Шундай қилиб, ягона солиқ тўловини ҳисоблашда солиқ солиш базасини 25 фоизга камайтириш имтиёзи махсулот сотишдан тушган тушумга асосий воситаларни сотишдан олинган даромад қўшилган ҳолда жами солиқ солиш базасига нисбатан қўлланилади.
ЯСТ бўйича солиқ имтиёзини бутунлай солиқ солиш базасига нисбатан қўллаш ЯСТнинг тасдиқланган солиқ ҳисоботи шаклининг ўзида ҳам қўзда тутилган (МВ ва ДСҚ 04.03.2013й. 23, 2013-8-сон қарининг 13-илова, АВ рўй. №2439 22.03.2013й.).
Жавоблар улар эълон қилинган санада долзарб ҳисобланади.