Саволнинг ID си: 8205
Суд қарорида ходимнинг ишдан бўшатилиши асоссиз деб топилганлиги учун унга мажбурий юрган прогул кунлари учун иш ҳақи, маънавий зарар учун компенсация ва адвокатлик хизмати учун тўловларни ундириш белгиланган.
Суд қарорига асосан ундирилган адвокатлик хизмати учун тўлов Солиқ кодекснинг қайси моддасига асосан жисмоний шахснинг даромади ҳисобланади?
Экспертларнинг жавоблари:
Юридик шахс томонидан жисмоний шахс манфаатларини кўзлаб, товарлар (ишлар, хизматлар) ҳақини, мулкий ҳуқуқларни тўлаш ёки уларнинг ўрнини қоплаш қийматини тўлаши Солиқ кодексининг 177-моддаси 1-бандига мувофиқ жисмоний шахснинг моддий наф тарзидаги даромади бўлиб ҳисобланади.
Юқоридаги ҳолатда иш берувчи суд қарорига мувофиқ адвокатлик хизмати учун амалга оширилган тўлов қийматини жисмоний шахсга қоплаб бермоқда. Жисмоний шахс фойдаланган хизмат ҳақи юридик шахс томонидан қоплаб берилаётганлиги сабабли, бу жисмоний шахснинг моддий наф тарзидаги даромади ҳисобланади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 