Корхона томонидан ўз ходимининг амбулатория ва (ёки) стационар тиббий хизмат кўрсатганлик учун тўлаб берилган маблағлар ЖШДСдан озод қилинади (СКнинг 179-моддаси 3-банди). Бунда ушбу мақсадлар учун мўлжалланган маблағлар:
- соғлиқни сақлаш муассасаларига нақд пулсиз тўланиши;
- соғлиқни сақлаш ташкилотлари томонидан ёзиб берилган ҳужжатлар асосида нақд пулда бевосита ходимга ёки унинг банкдаги ҳисобварағига киритилиши мумкин.
Бундай тўловларни амалга ошириш учун ходим иш берувчига соғлиқни сақлаш ташкилотлари томонидан ёзиб берилган (даволаниш тури, саналари, тиббий хизматлар қиймати акс эттирилган) ҳужжатларни тақдим этиши, ҳамда корхона рахбари номига ёзма ариза билан мурожаат этиши лозим.
Тўловлар корхона раҳбарининг буйруғи асосида амалга оширилади.
Имтиёз соғлиқни сақлаш ташкилотлари томонидан ёзиб берилган ҳужжатларда акс эттирилган тиббий хизматлар қиймати миқдорида қулланилади. Ундан ошган қисми эса рағбатлантириш хусусиятига эга тўловлар жумласига киритилиб, умумбелгиланган тартибда солиққа тортилади.
Айтиш жоизки, ходимга даволаниш мақсадида дори-дармон сотиб олиш учун берилган моддий ёрдам суммасига, шунингдек, соғлиқни сақлаш ташкилотининг ҳужжатларисиз даволаниш учун берилган моддий ёрдам маблағларига нисбатан имтиёз қўлланилмайди.
Жавоблар улар эълон қилинган санада долзарб ҳисобланади.