Ходимга 3 ойлик иш ҳақи олдиндан тўлаш мумкинми
Қонун ҳужжатларида иш ҳақи тўлашнинг бундай тартиби белгиланмаган. Ходимларга иш ҳақи тўлаш муддатлари жамоа шартномасида ёки ички ҳужжатда, улар мавжуд бўлмаганда эса меҳнат шартномасида шарт қилиб кўрсатилган муддатларда белгиланади ва ҳар ярим ойда бир мартадан кам бўлиши мумкин эмас. Ходимларга ойлик иш ҳақи, қоида тариқасида, ўн олти кундан кўп бўлмаган танаффус билан икки қисмга бўлинган ҳолда (бўнакда ва қолган қисми миқдорида) тўланади (МК 253-м. 1-қ.).
Вазиятдан келиб чиққан ҳолда ходимингизга пул керак. Корхона унга қарз шартномаси асосида қарз бериши мумкин. Бунда қарз суммаси унинг иш ҳақидан ушлаб қолиниши белгиланиши мумкин. Қарз фоизсиз берилиши мумкин, бунда томонларда солиқ оқибатлари вужудга келмайди.
Жавоблар улар эълон қилинган санада долзарб ҳисобланади.