1. Агар йил ўртасидан ишга чиққан ходим йиллик ялпи даромади суммаси 0%лик ставкада солиққа тортилувчи база чегарасида бўлса, ундан ЖШДС ушлаб қолинмайдими? 2. a)Фарзанд туғилганлик гувоҳномасида 11 август санаси бўлса, шу менинг 1-иш куним ҳисобланадими еки кейинги кун ҳисобланадими? б) Ходим билан меҳнат шартномаси бекор қилинган кун, шу ходим учун охирги иш куни ҳисобланадими? 3. Иш ҳақи ҳисоб-китобида солиқлар ва қўлга тегадиган суммаларда тийинларни яхлитлаш мумкинми?

Саволнинг ID си: 9109

2014 йил 11 августда фарзандли бўлганим боис 2 йил декретда ва 1 йил ўз ҳисобимдан уйда бўлдим. 450 000 сўм маош билан декретга кетган эдим. 2017 йил 11 август куни ишга чиқишим керак. Иш кунимиз 5 кунлик. 450 000 сўм маошдан ва августдаги иш куни 23 кунликдан келиб чиқиб, 450 000/23*15=293 478,26 сўм маош пули чиқаябди. ЖШДС ҳисоби учун 0%лик ставкада солиққа тортилувчи база 149 775*8 (август учун) =1 198 200 сўмни ташкил қилаябди. 293 478,26*8% =23 478,26 сум август учун Пенсия жамғармасига суғурта бадаллари. Меннинг иш ҳақим ЖШДС ва ИНПС дан август, сентябрь, октябрь, ноябрь ойлари учун 0% га тортиладими? (293 478,26+450 000+450 000+450 000=1 643478,26 сўм маош, 149775*11(ноябрь)=1647525. Ва факат 8% Пенсия фондига тўлайманми? 450 000*8%=36 000 cўм. 2017 йилда деярли барча ишчиларимга “ойлик ҳисоблашимда” ЖШДС ва ИНПС тийинлар билан ҳисобланаяпти ва қўлга тегадиган пул ҳам тийинлар яхлитланади. 1С 7.7 программамда эса тийинлар яхлитланади. Ва мен бу солик ва мажбуриятларни яхлитланган (1С билан бир хилда бўлади бу ўтказмаларим) ҳолатда ДСИ га утказиб бораябман. ИНПС га ҳам яхлитланган ҳолатда реестр юбораман.

Экспертларнинг жавоблари:

18.08.2017 йил санасидаги жавоб

1. Агар ходимнинг йил бошидан ўсиб борувчи жами ялпи даромади йиллик 0%лик ставкада тортилувчи база чегарасида бўлса ундан ЖШДС ушланмайди.

ЖШДС ҳисоблаб чиқариш ва ушлаб қолиш тартиби СКнинг 186-моддаси билан белгиланган. Унга кўра, ЖШДСни ҳисоблаб чиқариш учун солиқ ставкасини қўллаш мақсадида энг кам иш ҳақи миқдори йил бошидан ортиб борувчи якун бўйича (йил бошидан тегишли даврнинг ҳар бир ойи учун энг кам иш ҳақларининг суммаси) ҳисобга олинади. Бунда ЖШДС суммасини ҳисоблаб чиқариш учун ЭКИҲ миқдорининг жорий йилнинг 1 январидаги ҳолати инобатга олинади.

2017 йл учун ЖШДС ставкалари 27.12.2016й. ПП-2699-сон Қарорга 9-илова билан белгиланган.

Демак, Солиқ кодекси нормалари ва белгиланган солиқ ставкаларидан келиб чиқиб ҳисоб китоб қилсак, ходимнинг йиллик жами солиққа тортиладиган даромади 2017 йил январь-декабри учун 1 797 300 (12*149775) сўмгача миқдорда бўлса, унга 0% лик ставкада солиқ солинади, ва мос равишда солиқ суммаси чиқмайди. Сиз келтирган маълумотда ходимнинг йиллик даромади 1 643478,26 сўмга тенг бўлмоқда. Солиққа тортишда йилнинг қайси ойидан бошлаб даромад олинишидан қатъий назар, у йил бошидан белгиланган шкала асосида солиққа тортилади. Демак, жами йиллик даромад суммаси 1-шкаладаги сумма доирасида бўлганлиги сабабли, ундан тўланадиган ЖШДС суммаси чиқмайди.

Шу билан бир қаторда, иш ҳақи тарзидаги даромадлардан (СКнинг 172-моддаси) белгиланган ставкаларда суғурта бадаллари ушлаб қолинади (СКнинг 306-моддаси). 2017 йил учун суғурта бадаллари ставкаси 8%га тенг бўлиб, у иш ҳақи миқдоридан қатъий назар унинг жами суммасига нисбатан қўлланади. Яъни 1 643478,26 сўмнинг ҳар ойда тегишли қисмидан 8%да суғурта бадаллари ушлаб қолинади, ЖШДС суммаси эса ушланмайди.

3. Солиқ ҳисоботлари шаклларида улар сўмда тўлдирилиши кўрсатилган. Шундан келиб чиқиб, солиқ ва даромадлар суммаларини тийинларини бутун сўмгача яхлитлаган ҳолда тўлдиришингиз мумкин. Суммалар тийинлари билан акс эттирилиши ёки тийинлар сўмгача яхлитланиши ҳисоботларни тўлдириш қоидаларининг бузилиши сифатида қаралмайди.

Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган қоидаларга амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.

Ўртоқлашиш:

– Ўзбекистон кадрлар бўлими ходимлари учун тавсиялар ва маслаҳатларнинг маълумотлар базаси