Фуқаролик-ҳуқуқий тусдаги шартнома деганда фуқаролик қонунчилиги билан тартибга солинадиган барча турдаги шартномалар тушунилади, шу жумладан «ҳақ эвазига хизмат кўрсатиш шартномаси». Фуқаралик кодексининг 38-боби «ҳақ эвазига хизмат кўрсатиш»га бағишланган. Ҳақ эвазига хизмат кўрсатиш шартномаси бўйича ижрочи буюртмачининг топшириғи билан ашёвий шаклда бўлмаган хизматни бажариш, буюртмачи эса бу хизмат учун ҳақ тўлаш мажбуриятини олади. Масалан, алоқа хизмати, тиббиёт, ветеринария, аудиторлик, маслаҳат, ахборот хизматлари, таълим бериш, сайёҳлик хизмати ҳақ эвазига хизмат кўрсатиш жумласига киради. Пудрат, йўловчи, багаж ва юк ташиш, транспорт экспедицияси, банк омонати, воситачилик, топшириқ, омонат сақлаш шартномалари ҳақ эвазига хизмат кўрсатиш шартномасига кирмайди (ФК 703-м.). Лекин булар ҳам фуқаролик-ҳуқуқий тусдаги шартномалар ҳисобланади ва Фуқаролик кодекси билан тартибга солинади.
Айтиб ўтиш керакки, томонлар қонунчиликда (Фуқаролик кодексида) кўзда тутилмаган шартномаларни ҳам тузишга ҳақли (ФК 354-м.). Бундай шартномалар ҳам фуқаролик-ҳуқуқий тусдаги шартнома ҳисобланади.
Жавоблар улар эълон қилинган санада долзарб ҳисобланади.