Касаллик нафақасини ҳисоблаш ВМнинг 11.03.1997й. 133-сон Қарори 6-иловасида белгиланган тартибда амалга оширилади.

Ишловчи пенсионерларга меҳнат шартномасида келишилган иш ҳақидан келиб чиқиб амалда ишланган вақтга мутаносиб равишда иш ҳақи ҳисобланади. Ишловчи пенсионернинг иш ҳақи суммаси миқдоридан қатъий назар, у тайинланган пенсиясини 50% миқдорида олади.

Иш ҳақини ҳисоблашда туман коэффициенти чўл, сувсиз ва юқори тоғ жойларида, ишлаш ва яшаш ходимлардан қўшимча харажатларни талаб қиладиган табиий-иқлим шароитларида қўлланилади.

Ходим касаба уюшма қўмитасига аъзо бўлмай туриб, жамоа шартномасида кўзда тутилган қўшимча тўловларни олишга хақлидир.

Меҳнат кодексининг 153-моддасига биноан корхонада меҳнат ҳақи шакли ва тизимлари, мукофотлар, қўшимча тўловлар, устамалар, рағбатлантириш тарзидаги тўловлар жамоа шартномаларида, шунингдек иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб қабул қилинадиган бошқа локал ҳужжатларда кўзда тутилиши мумкин.

Картошкани тақсимлаш ҳақидаги буйруқда моддий ёрдам натурада – қишлоқ хўжалиги маҳсулоти кўринишида берилиши, ҳар бир ходимга берилган қишлоқ хўжалиги маҳсулотининг қиймати, тақсимлаш усули кўрсатилиши керак.

Сизнинг корхонангизда жамоат шартномаси ёки алоҳида локал ҳужжатлар билан кўзда тутилган тўлов шартлари ва тартиби, агар мазкур ҳужжатларда бошқа шартлашувлар бўлмаса, синов муддатини ўтаётган ходимларга ҳам татбиқ этилади. Бу барча тўловларга, жумладан моддий ёрдам пуллари ва ҳар хил турдаги мукофотларга ҳам тааллуқли.